IT og dokumenthandtering, Lotteri- og stiftelsestilsynet

Lyst å bruke teknologi til å gjere det enklare å drive frivilligheit? Bidra til at færre får speleproblem og at vi effektivt kan ha tilsyn og kontroll med norske stiftelsar? Har du erfaring med å leie utviklingsarbeid? Då er det deg vi ser etter.

Lotteri- og stiftelsestilsynet søker ny IT-direktør som får ansvar for å sette den digitale retninga for heile tilsynet.

Du blir fast medlem av leiargruppa og rapporterer direkte til direktøren. Du har det samla ansvaret for staben IT og dokumenthandtering, inkludert IT-drift, IT-utvikling og arkiv med til saman 20 tilsette.

Det er ønskeleg at du har høgare utdanning innan IT, teknologi eller leiing. Du har solid leiarerfaring, med dokumenterte resultat.
Vi er på jakt etter ein relasjonsbyggar som jobbar godt på tvers av fleire fagområde. Derfor ser vi etter ein trygg og tydeleg leiar som bygger tillit og gir folk rom til å vekse. IT-direktøren vår vil jobbe strategisk og heilskapleg, samtidig som hen er tett nok på faget til å stå trygt i tekniske diskusjonar.

Sentrale satsingar dei kommande åra:

• Vidareføre innføringa av Salesforce som felles saksbehandlingssystem for heile verksemda
• Realisere KI-satsinga: trygg og nyttig bruk av kunstig intelligens og Microsoft 365 Copilot i heile organisasjonen
• Gjennomføre sikkerheitshandlingsprogrammet, forankra i NSM sine rammeverk og nasjonal sikkerheitsstrategi
  

Dette går jobben ut på

• ha strategisk og operativ leiing av stabsavdelinga IT og dokumenthandtering, med personal-, budsjett- og resultatansvar
• ha overordna ansvar for informasjonssikkerheit, risikostyring og beredskap
• du eig og vidareutviklar IT- og sourcingstrategien
• ha leverandørstyring og kontraktsoppfølging
• rådgi direktør og leiargruppe i digitaliserings- og teknologispørsmål
• representere Lotteri- og stiftelsestilsynet i nasjonale fora og nettverk

Kvifor skal du velje oss?

Som leiar for IT og dokumenthandtering får du ei nøkkelrolle i utviklinga av dei digitale tenestene våre. Du skal skape gode løysingar for tusenvis av brukarar, samtidig som du vidarefører arbeidet med å digitalisere og forbetre arbeidsflyten for over 90 tilsette.

I Lotteri- og stiftelsestilsynet veit vi at det er viktig med ein god balanse mellom jobb og fritid for å prestere godt på jobb. Alle tilsette har fleksibel arbeidstid, moglegheit for heimekontor, gode velferdsordningar og ein generelt fleksibel personalpolitikk.

Vi held til i eit moderne kontorbygg midt i Førde sentrum, og har kantine med lunsjordning. Hos oss får du trene i arbeidstida. Vi har både gruppetimar for dei tilsette og eige trimrom på huset. Ved å jobbe hos oss blir du medlem i Statens pensjonskasse, og vi er IA-bedrift. Les meir om korleis det er å jobbe hos oss.

Verd å merke seg

Løn blir fastsett på grunnlag av kvalifikasjonar og ansiennitet. Stillinga er utlyst som 1538 Fagdirektør med spenn frå kr 900 000 til kr 1 250 000 . Det blir trekt 2 prosent til innskot i Statens pensjonskasse. Stillinga har prøvetid på seks månader.

Vi trur på at mangfald er viktig for å bygge eit godt og utviklande arbeidsmiljø. Vi ønsker tilsette med ulike kompetansar, fagkombinasjonar, livserfaringar og perspektiv. Det bidreg til at vi løyser oppgåvene våre endå betre. Vi legg til rette for tilsette som har behov for det.

Har du hol i CV-en din, funksjonsnedsettelse eller innvandrarbakgrunn vil vi oppfordre deg til å krysse av for dette når du søker på stillinga. Det gir deg moglegheit for å få positiv særbehandling. Vi kallar alltid inn minst éin kvalifisert kandidat frå kvar av desse gruppene til intervju.

Når du søker jobb hos oss, vil namnet ditt stå på ei offentleg søkarliste. Det er mogleg å be om å bli unntatt denne søkarlista. Då må du i så fall grunngi kvifor du ønsker det, og så tar vi stilling til om vi kan innvilge ønsket ditt. Kan vi ikkje det, høyrer du sjølvsagt frå oss.

Vi ber om at vitnemål og attestar blir lasta opp saman med søknaden.